Grill è stato adottato come personaggio del Porto e fa parte della schiera di protagonisti della umile epopea popolare. Grill, come altri, non è una persona qualunque, è piuttosto uno dei tanti esempi evidenziatori della umanità complessa, segnata da inappagate attese, dalla sfida della speranza, da quotidiana sofferenza che accomuna i piccoli e i grandi innamorati della umanità.
Quest l'era GRILL
É gid Grill! Por chèn! ...
Un bsares fatt sa le mèn.
Da quand a l'ho cnosciud,
l'ha sempre bud
e del temp n'è pasèd!
Poch l'ha magnèd;
un omén de trenta chil.
Quest l'era Grill!
Chissà do' el sarà?
Se Crist l'ha avud pietà
o se el Diavle i l'ha freghèd.
Amich de tutti Lo l'è stèd.
Pro l'amich vér e effetiv
l'è stèd sempre chel bichir,
bianch o ner en fèva gnent;
e Lo, cuntent,
il svuidèva fin in fond.
l'om più felic del mond!
Sa cla bretta mal andèda
L'era sempre in mezz dla strèda;
dle gambe i n'aveva do',
mo le fatighèva un gran bel po'
par téna so chi trenta chil:
Quest l'era Grill!
El telefonèva ma "Baffon"
par savé la situazion
e po' l'urlèva fort:
"Pronto, t' si un porch!"
E la gent:
"Grill, en t' capisc gnent?!"
Alora Lo: "Latteria?
A podé chiuda da part mia".
Mo enn'era un imbecill:
l'era Grill!
Ma la mèchin el dmandèva
sa un litre quant le fèva
parché sa un litre, Lo
in fèva poch un gran bel po':
Un po' argut, un po' ignorant,
pro ogni tant
l'aveva qualco' d' bon,
e cle person
ch'il cnusceva
le rideva
parché tutt i su' pensir
i era t'un chel bichir
ch'il fèva stè tranquill.
Quest l'era Grill!
Le pitre dla pescheria
i l'arcorda sa nostalgia.
Quand nott j' ha pasèd
insiem e i s'è parlèd.
Tra d' lori i s'intendeva
e mèi una cagnèra!
Adess cle pitre le piagn:
le ha pers un cumpagn!
No' a j'avem pers un personagg,
e riverenti a fèm omagg
ma sta machietta
d' trenta chil sa la giacchetta.
Addio, Grill, riposa: te t'ha fatt,
tel cor de Pésre è armast el tu ritratt.
Nerio Sabatini